a primo anno, quo saxones uenerunt in brittanniam usque ad annum quartum mermini regis supputantur anni cccxxuiiii. a natiuitate domini usque ad aduentum patricii ad scottos ccccu anni sunt. a morte patricii usque ad obitum sanctae brigidae sexaginta anni. a natiuitate columbae usque ad mortem brigidae quattuor anni sunt.
initium compoti: uiginti tres cycli decemnouennales ab incarnatione domini usque ad aduentum patricii in hiberniam et ipsi annos efficiunt numero ccccxxxuiii, et ab aduentu patricii usque ad cyclum decemnouennalem, in quo sumus, uiginti duo cycli sunt, id est, ccccxxi sunt, duo anni in ogdoade usque in hunc annum in quo sumus.